Мәскеудегі циркте Эфиопиядан келген акробат репетиция кезінде жеті метр биіктен құлап кетті, — деп хабарлайды Massaget.kz тілшісі РЕН ТВ-ға сілтеме жасап.

"Акробат негізгі манежде, әткеншекте жаттығып жатқан. Ол ауада бірнеше рет айналып, төсеніштен тыс жерге құлап түсті", – деді телеарнаға сұхбат берген куәгер.

Құлағаннан кейін 19 жастағы гимнаст есінен танып қалған. Дәрігерлердің айтуынша, оның омыртқасы сынған және бас жарақаттанған.

Mash Telegram-арнасының хабарлауынша, оқыс оқиғаға акробатты сақтандыруға жауапты пассировщиктің қателігі себеп болған. Ол гимнасттың айналуын дер кезінде тоқтата алмаған. Эфиопиялық өнерпаздың құлау сәті видеоға түсіп қалған.

Мәскеу циркінің баспасөз қызметі оқиғаны растады. Олардың мәлімдеуінше, әртіс Russian Swing әткеншегінде күрделі трюк орындап жатқан.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!