Биыл елімізде қандастар мен қоныс аударушыларды қабылдауға 9653 квота бөлінді, — деп хабарлайды Massaget.kz тілшісі 24kz-ке есілтеме жасап.

Оларға мемлекет бір реттік жәрдемақы және үй сатып алуға немесе салуға 4,5 млн теңге береді. Кәсіп ашқысы келетіндерге де қолдау бар.

Қандасымыз Нажиб Қазақ 2021 жылы Ираннан көшіп келген. Оған мемлекеттен бірреттік көтермеақы мен жаңа үй берілді.

"Ауа райы күшті. Мына бұлттарының өзі адамның жүрегін жайластырады. Көл десең бар, өзен десең бар, көктем десең көктем бар", — деді Николаевка ауылының тұрғыны Нажиб Қазақ.

Өз ісін бастап, шаурасын дөңгелетіп отырған жандармен Дүниежүзі қазақтары қауымдастығы төрағасының бірінші орынбасары Зауытбек Тұрысбеков кездесіп, өтініш-тілегін тыңдады.

"Шет мемлекеттерден 1 млн 200 мың бауырларымыз оралып келді. Қазіргі саясат – оңтүстіктен оңтүстікке көш аудару. Мына көшенің өзінде 35 үй деп жатыр. Келгендеріне бәрі риза болып отыр. Бағаны көріп тұрсыздар, мал шаруашылығымен айналысып жатыр", — деді Дүниежүзі қазақтары қауымдастығы төрағасының бірінші орынбасары Зауытбек Тұрысбеков.

Биыл өңірге 3 мыңға жуық қоныс аударушы мен 175 қандас көшіп келеді деп жоспарланған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!