Алматы тұрғыны елорда әуежайында полицейлерді қорқытып, балағат сөздер айтқаны үшін сотталды, — деп хабарлайды Massaget.kz тілшісі.

Алматы тұрғыны ұшаққа кешігіп келіп, ашуға бой алдырып, әуежайда қоғамдық тәртіпті сақтап жүрген полиция қызметкерлерінің заңды талаптарына бағынудан бас тартқан.

"Тергеу барысында ер адамның полицейлердің талаптарын елемей, оларға балағат сөздер айтып, денсаулыққа зиян келтіремін деп ашық қорқытқаны анықталды. Оның әрекеті билік өкілдеріне қарсы қылмыс ретінде бағаланды. Сот талқылауы барысында мемлекеттік айыптаушы кінәні дәлелдейтін бұлтартпас айғақтар ұсынды", — деп жазылған хабарламада.

Істі қарау нәтижесінде сот ер адамды кінәлі деп танып, 1 жыл 1 ай мерзімге бас бостандығын шектеу түріндегі жаза тағайындады.

Сот үкімі заңды күшіне енді.

Өзекті жаңалықтарды өз уақытында оқу үшін Facebook парақшамызға жазылыңыз!