Қытайлар шіліңгір шілдеде мұздан қала салып жатыр, деп хабарлайды 24kz.
Осы арқылы әлем назарын аударып көп саяхатшы тартуды көздеп отыр. Туристік жоба көрші елдің солтүстік-шығысындағы Харбин қаласында жүзеге асады. Ice Snow World қалашығының аумағы 23 мың шаршы метр. Оны жасауға 2000 мың жұмысшы жұмылдырылды. Арасында 200 кәсіби мүсінші бар. Олар 31 градус ыстықта мұз бен қардан мыңдаған мүсін ойып жатыр. Мұз әлемі қытай сәулет стилінде салынады. Барлық элемент осы елдің мәдениеті және тарихымен ұштастырылған. Бұл туристердің қызығушылығын арттырып отыр. Мұз шаһарды көруге билетті алдын ала сатып алып жатқандар көп.
