Елорда күні қарсаңында БАҚ өкілдерінің арасында республикалық сайыс та өтті, деп хабарлайды 24KZ. Байқауға бас-аяғы 116 автор қатысып, 7 аталым бойынша өзара мықтыны анықтады. Үздіктер қатарында «24KZ» телеарнасының тілшісі Әлішер Әли де бой көрсетті. Әріптесіміз «Үздік телесюжет» номинациянда үшінші орынды иеленді. Жүлдегерлер қаржылай сыйлықпен марапатталды.

Абзал Досыман, Астана қаласы коммуникациялар қызметінің басшысы:

- Биылғы сайысымыздың ең басты ерекшелігі, Мемлекет басшысы үндегеніндей, биыл еңбек адамдары жылы. Сол еңбек адамы жылы бойынша арнайы номинация бар. Тек қана елорда емес, республикалық сайыс. Қауымдастық демеуімен, Астана қаласының әкімдігінің қолдауымен қаламдары ұштала берсін деп, соларға кішкене серпін береді деген үмітпен ұйымдастырылды.