28 маусымда АҚШ-та клубтық әлем чемпионатының плей-офф кезеңі басталады, — деп хабарлайды Massaget.kz тілшісі.

Алғаш болып екі бразилиялық клуб — "Палмейрас" пен "Ботафого" кездеседі. Ойын АҚШ-тың Пенсильвания штатындағы Филадельфия қаласында орналасқан "Линкольн Файнэншл Филд" стадионында сағат 21:00-де (Қазақстан уақытымен) өтеді.

Матчтың тікелей трансляциясы Астана уақытымен 20:50-де Qazsport телеарнасында басталады. Сондай-ақ ойынды арнаның сайтынан да көруге болады.

Клубтық әлем чемпионатының 1/8 финалына өткен барлық 16 команда белгілі болды.

Күннің екінші ойыны Лондонның "Челси" мен Лиссабонның "Бенфика" клубтары арасында өтеді. Матч 29 маусымға қараған түні, сағат 01:00-де (Қазақстан уақытымен) басталады.

Командалар ширек финалға жолдама алу үшін Солтүстік Каролина штатындағы Шарлотт қаласында орналасқан "Банк оф Америка Стэдиум" стадионында кездеседі. Бұл матчты QLEAGUE телеарнасы тікелей эфирде көрсетеді.

Ағылшын құрамасы мен мадридтік "Реалдың" қорғаушысы Трент Александр-Арнольд бразилиялық вингер Винисиус Жуниор туралы пікір білдірді.

Ал Испания құрамасы мен каталондық "Барселонаның" вингері Ламин Ямаль туған күнінен кейін жаңа келісімшартқа қол қойып, 10-нөмірлі жейде иесі атанбақ.

Сонымен қатар6 ағылшын футболшысы Киан Харратт Ибицадағы демалысы кезінде туристер тобымен төбелес шығарды.

Қызықты жаңалықтар мен видеоларды көру үшін TikTok арнамызға жазылыңыз!