Қайтарылған активтер халықтың игілігіне жаратылды.

Биыл Алматыда осы қаражаттың есебінен сумен жабдықтау жүйелерін жаңартуға 9 миллиард теңге бөлінді. Осылайша қаладағы 5 ауданда жаңа су құбырлары тартылып, сорғылар салынып жатыр. Жоба жыл соңына дейін пайдалануға беріледі. Әсіресе осыған дейін орталықтандырылған желіге қосылмаған жұрт тіршілік нәрімен қамтамасыз етіледі. Бұл халықтың ауызсуға қолжетімділігін жақсартып, санитарлық және экологиялық жағдайын арттырады. Құрылыстың сапалы жүруін қалалық әкімдік өкілдері қадағалайды.

Ахан Асқарбеков, қалалық қаржы басқармасы басшысының орынбасары:

- Алатау ауданы бойынша 2 жоба қарастырылған, Әуезов ауданында 2 жоба қарастырылған, Медеу ауданында 2 жоба, Наурызбай ауданында 2 жоба қарастырылған және Түрксіб ауданында 1 жоба қарастырылған. Аталған жобалар қала тұрғындарын ауыз сумен қамтамасыз етуге айтарлықтай үлесін қосатын болады.