Кедендік шекараларда жеке тұлғалардың ықпалы жүрмейді . Себебі бұл стратегиялық аймақ. Кірістер комитеті төрағасының орынбасары журналистерге арналған брифингте осылай мәлімдеді.

Бақытжан Слямов қайта кедендік инфрақұрылымды жаңғырту арқылы бюджет толығып жатқанын жеткізді. Биыл 5 айда 65 млрд-тан аса төлем мен салық түскен. Былтырмен салыстырғанда 22% артық. Сондай-ақ аталған аралықта ахуалдық орталық 4600 заңбұзушылықты анықтап, 1 млд-қа жуық теңге өндірілген. Ал өткен жылы 47 өткізу пунктінің 41-іне электрондық жүйе енгізілген. Бюджетке 13 млрд 500 млн теңге түскен. Бұдан бөлек, 76 кедендік бизнес-процесс оңтайландырылып, көлікті өткізудің орташа уақыты 9-дан 3 сағатқа дейін қысқартылды. Ал қазақ-өзбек шекарасында шетелдік рұқсат бланкілерін автоматты түрде іске асырылады.

Жалпы елдің сыртқы шекарасы Қытай, Өзбекстан және Түрікменстанмен шектеседі. «Енді мафия мәселесіне келсек, бұл негізсіз айтылған уәж», – дейді.

Бақытжан Слямов, ҚР ҚМ Мемлекеттік кірістер комитеті төрағасының орынбасары:

- Кедендік шекараларда мафия деген жоқ. Мемлекеттік шекара режимдік-стратегиялық нысан. Бұл жерде кедендік органнан бөлек, шекара қызметі бар және ол аймақ шекарадағы құзырлы органдардың ғана емес, қоғамның да жіті назарында. Сол себепті біз ондай деректерді кездестірмедік. Сондықтан шекарада жеке тұлғалардың бақылауы деген атымен жоқ.