Жамбыл облысында жыл басынан 5 мыңнан астам жасөспірім заң бұзғаны үшін полицияға жеткізілді , деп хабарлайды 24kz.

Кәмелетке толмағандардың түнде үйден тыс немесе көңіл көтеру орындарында жүруінен 4 мыңнан астам ата-ана әкімшілік жауапкершілікке тартылған. Оларға жалпы 4,5 миллион теңгеден астам айыппұл салынды. Облыс бойынша тәулігіне орта есеппен 60-тан астам әкімшілік хаттама толтырылады. Қазір мектеп бітіру кештері полицейлердің ерекше бақылауында. Әрбір ойын-сауық орталығының жанында патрульдер кезекшілік жасап, бейнебақылау жүйесі жұмыс істеп тұр.

Әлішер Қалышев, ЖПҚ басқармасының ерекше тапсырмалар жөніндегі аға инспекторы:

- Жыл басынан бері полиция бөлімдеріне 5000-нан астам жасөспірім жеткізілсе, 7530 әкімшілік-құқықтықбұзушылық анықталды. Оның ішінде 623 ата-аналар тарапынан бала тәрбиесіне міндеттерін дұрыс орындамауы, 17 буллинг фактісі, 142 камелетке толмағандар көңіл көтеру орындарына заңды өкілдерінсіз жүргені.