Сандықтау ауданының Максимовка ауылында жаңа дәрігерлік амбулаторияның құрылысы басталды , деп хабарлайды Egemen.kz.

Жағымды жаңалық осы елді мекен емес, төңіректегі ауылдардың да тұрғындарын қуантып отыр. Құрылыс «Ауылдық елді мекендерде әлеуметтік және инженерлік инфрақұрылымды дамыту» бюджеттік бағдарламасы бойынша «Ауыл – ел бесігі» мемлекеттік бағдарламасы аясында жүргізілуде.

Мердігерлік ұйым «Ел құрылыс» серіктестігі. Амбулатория құрылысын аяқтау 2025 жылдың үшінші тоқсанына жоспарланған. Амбулатория 15 медицина қызметкеріне арналған және ауданның он елді мекенінің тұрғындарына сапалы алғашқы медициналық көмек көрсетеді.

Жоба ауылдағы денсаулық сақтау жүйесін нығайтуға, медициналық қызметтерге қолжетімділікті жақсартуға және медицина мамандарының еңбегі үшін заманауи жағдайлар жасауға ықпал ете отырып, маңызды әлеуметтік мәнге ие болуда.

Ақмола облысы