Ауыр соққы алған мұғалім ауруханаға түскен.

Шамалған ауылындағы мектепте болған жанжалға байланысты тергеу жүргізіліп жатыр, деп жазады inbusiness.kz сайты.

Әлеуметтік желіде тараған видеода жоғары сынып оқушысының мұғалімді мектеп ішінде соққыға жыққаны көрінеді.

Қарасай аудандық білім басқармасының мәліметінше, оқиға 16 қаңтарда таңғы сағат 09:00 шамасында аудан мектептерінің бірінде болған.

– Кәмелетке толмаған жасөспірім мен ер адам арасында жанжал туындап, салдарынан мұғалім дене жарақатын алды, – деп хабарлады ведомствоның баспасөз қызметі.

Оқиғадан кейін полиция қылмыстық іс қозғап, жасөспірім бөлімшеге жеткізілген. Қазіргі уақытта тергеушілер жанжалдың себептерін анықтап, оқиғаның барлық мән-жайын тексеріп жатыр.

Тексеру қорытындысы бойынша процессуалдық шешім қабылданады.