Жарты тоннаға жуық сұйық мефедрон мен 1,5 тонна прекурсор тәркіленді.

Түркістан облысының Арыс қаласында синтетикалық есірткі өндірісін ұйымдастырған ағайынды екі ер адам қолға түсті, деп хабарлады Ішкі істер министрлігінің баспасөз қызметі.

Жедел-іздестіру іс-шаралары барысында қаланың шетінде орналасқан жеке тұрғын үйде ағайынды екі ер адамның синтетикалық есірткіні ірі көлемде заңсыз өндіруді ұйымдастырғаны анықталған.

ІІМ есірткі қылмысына қарсы іс-қимыл комитеті төрағасының орынбасары Елдар Әбдікеновтің айтуынша, тінту кезінде жарты тоннаға жуық сұйық мефедрон, 1,5 тонна прекурсор алынып, оларға сараптама тағайындалды.

"Сондай-ақ реактор, колбалар, магниттік араластырғыш, канистрлер, пластикалық науалар және есірткі өндіру белгілері бар өзге де құрал-жабдықтар тәркіленді. Күдіктілерге қатысты Қылмыстық кодекстің 297-1-бабы бойынша сотқа дейінгі тергеп-тексеру басталды, оның санкциясы өмір бойына бас бостандығынан айыруға дейінгі жазаны көздейді. Ұсталғандар уақытша ұстау изоляторына қамалды", – деді ол.

Оқи отырыңыз:

• Семей тұрғыны гаражын есірткі қоймасына айналдырған: ІІМ 154 келі марихуана тәркіледі
• Алматы әуежайында шетел азаматы есірткімен ұсталды. Күдікті өмір бойына сотталуы мүмкін