Риддерде жоғалған оқушы өлі күйінде табылды
08.05.2026
Риддерде 5 мамыр күні кешке жоғалып кеткен мектеп оқушысын іздеу қайғылы аяқталды.
Баланың жоғалғаны туралы ақпарат әлеуметтік желілерде тараған болатын.
Мәліметке сәйкес, оқушы Таловка ауданындағы үйінен шығып кетіп, қайта оралмаған. Келесі күні баланың мәйіті табылғаны белгілі болды.
Полиция әзірге оқиғаның мән-жайын жариялаған жоқ. Кәмелетке толмаған баланың өліміне байланысты қылмыстық іс қозғалып, тергеу жүргізіліп жатыр.
