Балалар мен ата-аналар үшін концерттер, фестивальдер, көрмелер, шеберлік сабақтары мен тақырыптық бағдарламалар ұйымдастырылады.

1 маусым – Халықаралық балаларды қорғау күніне орай Алматыда түрлі мәдени, танымдық және ойын-сауық іс-шаралары өтеді, деп жазады inbusiness.kz сайты.

BALAFEST, JARYQ SKILL FEST
Сағат 12:00-ден 16:00-ге дейін
Әлия Молдағұлова мен Мәншүк Мәметова атындағы саябақ
Балалар экология, мәдениет, салт-дәстүр, технология, кәсіп тақырыптарындағы аймақтарды аралап, ойын валютасын жинайды. Валюта сыйлықтарға айырбасталады.

BalaStar Almaty отбасылық фестиваль-концерті
Сағат 11:00
Горький атындағы Орталық мәдениет және демалыс саябағы
Қатысушылар: Роза Рымбаева, Жарқынай Ханайым, Айгүл Қосанова, Диная, "Сармат", "Гүлстан" ансамбльдері, "Бозторғай" вокалдық студиясы. 200-ден астам бала қатысатын флешмоб өтеді.

"Менің балалық шағымның палитрасы" көрмесі
Сағат 12:00
Almaty Gallery (кіші зал)
Жас суретші Рауана Олжастың көрмесі 15 маусымға дейін жалғасады.

"Жас археолог" танымдық ойыны
Алматы қаласының тарихы мұражайы
Балалар археология негіздерімен танысып, қазба жұмыстары элементтерін меңгереді.

"Алматы – бақытты балалар қаласы"
Сағат 10:00
Махатма Ганди атындағы саябақ
№4 кітапхана ұйымдастыратын ашық ауадағы мәдени шаралар.

Жамбыл атындағы жасөспірімдер кітапханасы
№92 мамандандырылған лицей оқушылары қатысатын әдеби оқулар, байқаулар, көркемдік шаралар өтеді.

С.Бегалин атындағы Орталық балалар кітапханасы
2 маусым күні театрландырылған қойылым, шеберлік сабақтары, флешмоб және хайуанаттар бағы элементтерімен біріктірілген "Кітап жазы" мерекесі өтеді.

Жазғы зообақ
1 маусымнан бастап
9–16 жас аралығындағы оқушыларға арналған тегін білім беру жобасы. Сабақтарды зоологтар, ветеринарлар және педагогтар жүргізеді. Қатысу үшін "Мен неліктен Хайуанаттар бағында оқығым келеді" тақырыбында эссе жазу қажет болды.

Алмалы ауданы
Сағат 12:00 – Ганди саябағы. Ойындар, байқаулар, тақырыптық балалар іс-шарасы.

Алатау ауданы
Сағат 11:00 – Зерделі сквері (Зерделі шағын ауданы, 180а). Концерт, цирк шоуы, аниматорлармен интерактивті бағдарламалар.

Әуезов ауданы
Сағат 18:00 – Family park. Ашық аспан астында мультфильм көрсетілімі.

Бостандық ауданы
Сағат 10:00 – Тұңғыш Президент саябағы. Концерт, балалар жарысы, шеберлік сабақтары.

Жетісу ауданы
Сағат 10:00 – Құлагер шағын ауданы. Концерт және "Jetisu Fest" фестивалі, аниматорлармен шоу.

Түрксіб ауданы
Сағат 10:00 – №6 Оқушылар үйінің алды (Сейфуллин даңғылы, 13/1). Балаларға арналған концерттік бағдарлама.

Медеу ауданы
Сағат 11:00 – Орталық мәдениет және демалыс саябағы. Балаларға арналған концерт.

Наурызбай ауданы
Сағат 18:00 – Әкімдік жанындағы амфитеатр. Балаларға арналған ойын-сауық бағдарламасы және ашық аспан астында кино кеші.