Қазақстанда дауылды жел мен шаңды дауыл күтіледі.

4 мамырда атмосфералық фронттардың өтуіне байланысты Қазақстанның басым бөлігінде ауа райы құбылмалы болады. Бұл туралы "Қазгидромет" хабарлады.

Синоптиктердің болжамынша, елдің жартысында жаңбыр жауып, найзағай ойнайды, кей жерлерде бұршақ түсіп, дауылды жел соғады. Оңтүстік өңірлерде шаңды дауыл соғуы мүмкін, ал батыс пен оңтүстік-шығыста түнгі және таңғы уақытта тұман күтіледі.

Елорда – Астанада ауыспалы бұлтты, жауын-шашынсыз. Түнде +5…+7°C, күндіз +16…+18°C.

Алматыда кей уақытта жаңбыр жауып, найзағай ойнайды, жел күшейеді. Түнде +14…+16°C, күндіз +19…+21°C.

Шымкентте де жаңбыр мен найзағай күтіледі, түнде және таңертең тұман болуы мүмкін. Түнде +12…+14°C, күндіз +21…+23°C.

Батыс өңірлерде, соның ішінде Атырау мен Ақтауда жауын-шашынсыз ауа райы сақталады. Атырауда күндіз ауа температурасы +24…+26°C-қа дейін көтерілсе, Қызылордада +29…+31°C-қа дейін ысиды.

Оқи отырыңыз: Қазақстан халқы 20,5 миллионнан асты. Қай ұлт қай өңірде басым?

Солтүстік және орталық аймақтарда, атап айтқанда Қарағанды, Көкшетау және Қостанай қалаларында кей жерлерде жаңбыр мен найзағай болжанып отыр.

Жалпы алғанда, синоптиктер тұрғындарға ауа райының күрт өзгеруіне байланысты сақ болуды ескертеді.