Мұнай өңдеу зауытында өрт шықты.

Жанып жатқан мұнай өнімдерінің бір бөлігі жолға төгілген, қалада су беруде іркілістер бар, деп жазады inbusiness.kz сайты.

"Роспотребнадзор" тұрғындарға аса қажет болмаса, сыртқа шықпауға кеңес берді. Мектептер оқушыларға онлайн білім беріп жатыр.

Краснодар өлкесі жедел штабының мәліметінше, тілсіз жаумен күреске 250-ден астам адам қатысып жатыр. Өртті сөндіруге билік басқа Адыгея, Ростов облысы және Ставрополь секілді өлкелерден өрт сөндірушілер тартылған.

22 сәуірде жауын-шашынмен бірге аспаннан жерге күйе жауған. Осыдан соң кейбір аудандардың тұрғындарына көшеде жүруге шектеу жасалып, есік-терезелерді жабық ұстауға кеңес берілді. Мұнай өнімдері Қара теңіз бен Туапсе өзеніне де төгілген.

Туапседегі мұнай өңдеу зауытындағы өрт 16 сәуірден бері, украиналық дрондардың шабуылынан кейін, үзіліспен жалғасып келеді. Кейін украиналық ұшқышсыз аппараттар зауытқа тағы екі рет шабуыл жасаған, соңғысы 28 сәуірде болған.

Қазіргі таңда ең ірі 4 мұнай сақтау қоймасын өрт шарпығаны хабарланды.