"Жолаушылар тасымалы" акционерлік қоғамы Қазақстанда 31 желтоқсаннан 1 қаңтарға қараған түні пойыздар қалай жүретіні туралы айтты. Компания мәліметінше, кестеде өзгеріс болмайды, деп хабарлайды KAZ.NUR.KZ.

"Жолаушылар тасымалы" АҚ хабарлауынша, жаңа жылдық мерекелер кезеңінде елдің теміржол көлігі демалыс және мереке күндеріне қарамастан штаттық режимде, тәулік бойы жұмыс істейді.

"Көптеген теміржолшы Жаңа жылды жолда қарсы алады, олар пойыздардың қозғалысы мен жолаушылардың қауіпсіздігін қамтамасыз етеді. Жаңа жылдың алдында жүк қозғалысының 1685 машинисі, 357 жолаушылар пойызының машинисі және 698 шаруашылық және маневрлік қозғалыс машинисі түнгі кезекшілікке түседі.

Теміржол вокзалдарында мереке күндері "Жолаушылар тасымалы" АҚ-ның 122 билет кассасы, оның 40-ы 31 желтоқсаннан 1 қаңтарға қараған түні жұмыс істейді.

Жаңа жыл қарсаңында пойыздарға 81 пойыз бригадасы және 1 600 астам жолсерік тартылады", — делінген хабарламада.

Мерекелік түнде пойыз бригадаларымен қатар вокзалдар бойынша кезекшілер, анықтамалық бюро қызметкерлері, тасымалдауды басқару орталықтарының диспетчерлері, жол монтерлері және пойыздар қозғалысының қауіпсіздігі, жүктердің сақталуы мен теміржолдағы тәртіптің үйлесімді жұмысына қатысы бар басқа да мамандар қызмет атқаруды жалғастырады.

31 желтоқсанда теміржолшылар вокзалдар мен пойыздарда жолаушыларды келе жатқан Жаңа жыл мерекесімен құттықтайды.

Мәтіннен қате тапсаңыз, бізге жазыңыз