Ақмола облысы Ерейментау ауданындағы білім бөлімі жергілікті педагогтердің еңбекақысын уақытында төлемеген. Бұл жөнінде Бас прокуратураның баспасөз қызметі хабарлады, деп жазады Egemen.kz.
Қадағалау органы заңбұзушылықты жою үшін прокурорлық қадағалау актісін енгізгеннен кейін қарыз қысқа мерзімде толық өтелген. Нәтижесінде 247 млн теңге көлеміндегі берешек төленіп, 1732 мұғалімнің еңбек құқығы қорғалды.
Прокуратура жұмыс берушілерге еңбек заңнамасын қатаң сақтау қажеттігін еске салды және жалақыны кешіктіру немесе толық төлемеу үшін жеке жауапкершілік барын атап өтті.
Бұған дейін Маңғыстау облысында да осындай жағдай тіркелген. Аудандық аурухана қызметкерлері қазан айындағы жалақысын дер кезінде алмаған. Прокурорлық қадағалау актісінен кейін 1040 медицина қызметкеріне 273 млн теңге қарыз толық төленді.
