Бибісара Асаубаева Дохада өткен 2025 жылғы блиц бойынша әлем чемпионатында жеңіске жетті. 21 жастағы спортшы — шахматтың осы түрінен әлемнің үш дүркін чемпионы, — деп хабарлайды Massaget.kz тілшісі.

2025 жылғы рапид және блиц бойынша әлем чемпионаты (2025 FIDE World Rapid & Blitz Championships) Қатар астанасы Дохада өтті. 3+2 блиц бойынша әйелдер арасындағы жарыста Бибісара Асаубаева жеңімпаз атанды.

Мемлекет басшысы Қасым-Жомарт Тоқаев Бибісара Асаубаеваны шахматтың блиц түрінен әлем чемпионатындағы жеңісімен құттықтады.

"Бибісара Асаубаева Қазақстаннан шыққан блицтен үш дүркін әлем чемпионы және майталман шебер ретінде дүниежүзілік шахмат тарихына енді. Қазақстандық шахмат қауымдастығы мемлекетіміздің көк туын жаһандық аренада биік желбіреткен отандасымыздың жеңісін мақтан тұтады. Бибісара Асаубаеваның халықаралық жарыстардағы айтулы жетістіктері мен ел шахматын дамытуға қосқан елеулі үлесі үшін оны ІІ дәрежелі "Барыс" орденімен марапаттау туралы шешім қабылдадым", – деп жазылған құттықтауда.

Өзекті жаңалықтарды өз уақытында оқу үшін Facebook парақшамызға жазылыңыз!