Бұл туралы ҚазАвтоЖол хабарлады, деп жазады inbusiness.kz сайты.

Ауа райының қолайсыздығына байланысты 2025 жылғы 29 желтоқсан сағат 22:00-ден бастап республикалық маңызы бар бірқатар автожолдарда көліктің барлық түрлерінің қозғалысына уақытша шектеу енгізілді.

Ұлытау облысында:

• "Қызылорда – Жезқазған – Қарағанды – Шідерті" автожолының 433–788 шақырым аралығы (Жезқазған қаласынан Қарағанды облысының шекарасына дейін);

• "Жезқазған – Арқалық – Петропавл" автожолының 24–64 шақырым аралығы (Сәтбаев қаласынан Жезді елді мекеніне дейін).

Қарағанды облысында:

• "Қызылорда – Жезқазған – Қарағанды – Шідерті" автожолының 788–906 шақырым аралығы (Ұлытау облысының шекарасынан Топар елді мекеніне дейін).

Жол қозғалысын 2025 жылғы 30 желтоқсан сағат 08:00-де қайта ашу жоспарланып отыр.

Қосымша ақпаратты тәулік бойы 1403 байланыс орталығынан алуға болады.