2019 жылы құрылған бригада толыққанды әрі қазіргі талаптарға сай инфрақұрылыммен қамтамасыз етілді, деп хабарлайды inbusiness.kz сайты.

Қорғаныс министрі авиация генерал-лейтенанты Дәурен Қосанов пен облыс әкімі Ербол Қарашөкеев Жамбыл облысының аумақтық қорғаныс бригадасына арналған заманауи кешеннің ашылу салтанатына қатысты.

Кешен құрамында 200 адамдық казарма, әкімшілік ғимараттар, сондай-ақ жеке құрамның даярлығы, қызметі және оқу-жаттығуларына қажетті нысандар бар.

Жаңа нысан қажет кезде өңірдің қауіпсіздігін сенімді қамтамасыз етуге және азаматтар қатарынан дайын әскери резерв қалыптастыруға мүмкіндік береді.