Астанада жыл сайынғы "Үздік — 2025" сыйлығының жеңімпаздары марапатталды. Бокстан екі дүркін әлем чемпионы Алуа Балқыбекова "Жылдың үздік спортшысы" атанды. Сондай-ақ грек-рим күресінен Әлем чемпионатының жеңімпазы Айдос Сұлтанғали, жеңіл атлетикадан Сурдлимпиада ойындарының чемпионы Файна Мейірманова үздік деп танылды, деп хабарлайды KAZ.NUR.KZ.

Астанада Туризм және спорт министрлігінің ұйымдастыруымен өткен дәстүрлі "Үздік-2025" марапаттау рәсімі өтті. Қазақстан бокс федерациясының хабарлауынша, екі дүркін әлем чемпионы Алуа Балқыбекова "Жылдың үздік спортшысы" номинациясында марапатталды.

"Бұл жыл өте нәтижелі болды. Ерекше жыл болды. Өзіме келер болсам, жарты жылда екі дүркін әлем чемпионы атанғаныма өте қуаныштымын. Ал еліміздің астанасында бірінші рет Әлем кубогы өтті. Әлем чемпионаты, Олимпиада ойындары өте жоғары деңгейде өтті. Биыл Қазақстанда бокстан екі дүркін әлем чемпионы болып жатқандар бар. Үш дүркін әлем чемпионы атанып жатыр. Сондықтан өте керемет жыл болды. Алла қаласа 2026 жылы да Қазақстан үшін нәтижелі жыл болады деп сенемін", — деді Алуа Балқыбекова марапаттау рәсімінен кейін.

Cондай-ақ жыл қорытындысы бойынша грек-рим күресінен 26 жылдан кейін Әлем чемпионатының жеңімпазы болған Айдос Сұлтанғали және жеңіл атлетикадан Сурдлимпиада ойындарының чемпионы Файна Мейірманова "Үздік" атанды.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Мәтіннен қате тапсаңыз, бізге жазыңыз