Танзаниядағы Килиманджаро тауында құтқару тікұшағы апатқа ұшырап, салдарынан бес адам қаза тапты, деп хабарлайды Zakon.kz.

Sky News телеарнасының мәліметінше, апат теңіз деңгейінен 4 мың метрден астам биіктікте болған. Тікұшақ бортында медициналық себептермен эвакуацияланып жатқан екі шетел азаматы, сондай-ақ жергілікті дәрігер, гид пен ұшқыш болған.

"Апат сәрсенбі күні кешке таудың ең танымал альпинистік бағыттарының бірінде, науқастарды медициналық эвакуациялау кезінде орын алды", – делінген ақпаратта.

Шетелдік бұқаралық ақпарат құралдарының жазуынша, тікұшақ медициналық эвакуациямен айналысатын Kilimanjaro Aviation компаниясына тиесілі болған. Қайғылы оқиғаның себептерін анықтау үшін арнайы комиссия құрылды.

A helicopter deployed for a rescue operation crashed on Tanzania’s Mount Kilimanjaro, killing five people.

Follow: https://t.co/mLGcUTSA3Q pic.twitter.com/1Ofj4ShIGv

— Press TV