Ел көшбасшысы құрастыру цехына арнайы барып, қоңыр түсті алып кемені тексерген.

Ким Чен Ынмен бірге жоғары лауазымды шенеуніктер және оның қызы да сол жерде болған, деп хабарлайды inbusiness.kz сайты.

Корея орталық жаңалықтар агенттігі сапардың қашан болғанын нақтыламаған.

– Біз жауымызға КХДР-ның стратегиялық егемендігін бұзудың төлемі ауыр болатынын, әскери нұсқаны таңдаған жағдайда аяусыз кек алатынын нақты айтуымыз керек, – деді Ким Чен Ын.

Пхеньян сүңгуір қайықты ядролық қарумен қаруландыруды жоспарлап отыр. Оны "стратегиялық басқарылатын зымыран сүңгуір қайығы" немесе "стратегиялық ядролық шабуыл сүңгуір қайығы" деп атаған.

– Сүңгуір қайықтар әдетте ішінен сыртқа қарай жасалатындықтан, толық корпус болып көрінетін нәрсенің ашылуы қозғалтқыш және реакторды қоса алғанда, көптеген негізгі компоненттің орнатылғанын көрсетеді, – деді Сеулдегі Ханьян университетінің сүңгуір қайық маманы Мун Гын Сик.

Оңтүстік Корея Әскери-теңіз күштерінің бұрынғы сүңгуір қайығының офицері Мун Солтүстік Кореяның сүңгуір қайығы бірнеше ай ішінде теңізде сынақтан өтуі ықтимал екенін айтады.