Түркияда жаңа жыл кезінде теракт жасамақшы болған 115 адам ұсталды
26.12.2025
Түркияның құқық қорғау органдары ауқымды операция жүргізіп, «Ислам мемлекеті» террористік ұйымына (Қазақстанда тыйым салынған ұйым) қатысы бар деген күдікпен 115 адамды ұстады. Күдіктілер жаңа жыл және Рождество мерекелері кезінде теракт жасауды жоспарлаған, деп жазады Egemen.kz.
Түркия Бас прокуратурасының мәліметінше, олар алдымен мұсылман емес адамдар ортасында лаңкестік әрекеттерін жүзеге асыруды көздеген.
Елдегі ауқымды операция 124 мекенжай бойынша жүргізіліп, тінту кезінде қару-жарақ пен оқ-дәрілер тәркіленген.
RKS NEWS мәліметінше, қолға түскен 115 адамнан бөлек бірнеше азаматқа іздеу жарияланған.
Қазір іске қатысты тергеу амалдары басталған. Осылайша, Түркияның құқық қорғау органдары ауқымды теракттың алдын алған.
Бұған дейін Түркияда Ливия ұшағы апатқа ұшырағанын хабарлағанбыз.
Сондай-ақ әлемдік БАҚ бетінде Түркиялық депутаттар бюджетті талқылау кезінде төбелесіп қалғаны таспаланған бейнежазба тарады.
