Астанада "Даму" ақпараттық технологиялар орталығы" ЖШС-ға қатысты тергеп-тексеру аяқталды, нәтижесінде Damumed жүйесінен заңнама бұзушылықтар анықталды, деп хабарлайды KAZ.NUR.KZ БҚДА-ға сілтеме жасап.

Ведомствоның ресми сайтындағы мәліметке сүйенсек, Бәсекелестікті қорғау және дамыту агенттігінің Астана қаласы бойынша департаменті "Даму" ақпараттық технологиялар орталығы" ЖШС-ға қатысты тергеп-тексеруді аяқтады.

"Тергеп-тексеру нәтижесінде Damumed медициналық ақпараттық жүйесіне кіру қызметін көрсету және оны техникалық сүйемелдеу қызметтері бойынша монополиялық жоғары баға белгілеу фактісі анықталды", — делінген хабарламада.

Астана қаласының әкімшілік құқық бұзушылықтар жөніндегі мамандандырылған ауданаралық сотының шешімімен серіктестікке 286 млн теңге мөлшерінде әкімшілік айыппұл салынды.

Қазіргі уақытта "Даму" ақпараттық технологиялар орталығы"» ЖШС айыппұлды толық көлемде өтеді.

Мәтіннен қате тапсаңыз, бізге жазыңыз