Қайрат Нұртастың жары, актриса Жұлдыз Әбдікәрімова жаңа үйінің ішін Instagram-дағы оқырмандарына аралап көрсетті. Желі қолданушылары оның талғамын жоғары бағалап жатыр, деп хабарлайды KAZ.NUR.KZ.

Жұлдыз желідегі оқырмандарына жөндеу жұмыстарының қалай жүріп жатқанын көрсетті. Ол бұл жұмыстармен жүкті кезінде айналысқан еді. Енді актриса соның нәтижесін қуана-қуана, зор мақтанышпен көрсетті. Дегенмен, оның айтуынша, бұл – үйге шолудың бірінші бөлігі ғана.

Жұлдыз желіде жариялаған видеосында үйдің дәлізінен бастап, қонақ бөлмені, қонақтарға арналған жуынатын бөлмені және жатын бөлмесін көрсетті.

Кең сарайдай үйдегі барлық дүние – қабырға, жиһаз және перделер ашық және жылы реңкте жасалған. Актриса интерьердегі кей элементтерге ерекше назар аудартты. Мысалы есік тұтқалары ағаш бұтақтары түрінде тапсырыс бойынша жасалған.

Ең таңқаларлығы, Жұлдыздың бөлмесінде бұрыш жоқ. Актриса әйгілі испан сәулетшісі Антони Гаудидің жұмыстарынан шабыт алып, солай жасағысы келгенін атап өтті.

Желі қолданушылары Жұлдыздың үйінің ішкі дизайнына тәнті болды.

"Өте керемет құтты болсын, іші жақсылыққа толы болсын", " Өте әдемі! Осы үйде өніп-өсіп,бақытты болыңыздар, Жұлдыз ханым", "Құтты,берекелі, мерекелі шаңырақ болсын", "Бақытқа толы, берекелі үй болсын! Қарасаң көзің тоятын үй болыпты", — деп пікір қалдырған желі қолданушылары.

Посмотреть эту публикацию в Instagram

Публикация от Жулдыз Абдукаримова (@zhuldyzabdukarimovaofficial)

Мәтіннен қате тапсаңыз, бізге жазыңыз