Аралас жекпе-жек шебері Аян Тұрсын АҚШ-та өтетін турнирде чемпиондық белбеу үшін жекпе-жекке шығады, деп хабарлайды 1bol.kz порталына сілтеме жасаған KAZ.NUR.KZ.

Басылымның жазуынша, қазақ қызы америкалық Cage Fury Fighting Championships (CFFC) промоушенінде минималды салмақтағы вакантты чемпиондық титулды сарапқа салады.

Аян Тұрсынға бұл кездесуде жапониялық, әзірге жеңіліп көрмеген файтер Ариса Мацу́да (7-0) қарсылас атанады.

Титулдық жекпе-жек 6 ақпанда АҚШ-тың Пенсильвания штатындағы Филадельфия қаласында өтетін CFFC 150 турнирі аясында ұйымдастырылады.

31 жастағы Аян Турсын үшін бұл – CFFC лигасындағы дебюттік кездесу. Бұған дейін ол Octagon және Dala Fighting Championship промоушендерінде өнер көрсетіп, кәсіби мансабында сегіз рет жеңіске жетіп, бір рет жеңілген.

Сондай-ақ кештің басты жекпе-жегінде жартылай орта салмақтағы тағы бір вакантты чемпиондық белбеу сарапқа салынады.

Бұл айқаста қырғыз спортшысы Бусурман Жумагул (4-0) мен америкалық Дэниэл Моррисон (7-2) күш сынасады.

Мәтіннен қате тапсаңыз, бізге жазыңыз