Жамбыл облысында 22 желтоқсанда мал жаю шығып, байланысқа шықпай қалған ер адам аман-есен табылды, деп хабарлайды облыстық ТЖД-ға сілтеме жасаған KAZ.NUR.KZ.

Ведомствоның мәліметінше, Жамбыл облысы Т. Рысқұлов ауданында 1958 жылы туған ер адамды іздеуге бағытталған іздестіру-құтқару жұмыстары жүргізілген.

Қолда бар мәліметтерге қарағанда, мал жаюға шыққан ер адам Қорағаты ауылы маңындағы дала аймағына бет алған, кейін оның қайда екені белгісіз болған.

Іздестіру жұмыстарына құтқарушылар, кинологиялық есептоп, ұшқышсыз ұшу аппараты, полиция қызметкерлері, жергілікті атқарушы орган өкілдері, жергілікті тұрғындар мен еріктілер жұмылдырылған. Олар қолжетімсіз аумақтарды қоса алғанда, кең көлемді аумақты тексерді.

Бүгін іздестіру тобы жоғалған адамды Қорағаты ауылынан 25 шақырым жерде, темір жол бойынан тауып алған. Ол жедел түрде елді мекенге жеткізіліп, дәрігерлерге тапсырылған.

Мәтіннен қате тапсаңыз, бізге жазыңыз