Ауырлыққа мойымай , адал ісімен жұртшылықты мойындата білген әйелдер аз емес. Солардың құрметіне Қарағандыда «AMANAT» партиясы «Еңбегі жанған арулар» форумын өткізді.

Алғысхат пен сыйақы алғандар қатарында темір ұстасы, фермер, кран машинисі, етікші, құс өсіруші сияқты қыз-келіншектер бар. Шара жұмысшы мамандық иелерінің мәртебесін көтеріп, әйелдердің мемлекет пен қоғам өміріндегі рөлін нығайту мақсатында ұйымдастырылды. Жалпы облыста 122 мың әйел шағын-орта бизнеспен айналысады.

Арайлым Байдашова, фермер:

- Қыстаққа келін болдым. Жолдасым жалғыз болғандықтан, көмектесетін адамдар жоқ. Көбі келгісі келмейді. Трактор жүргізуді осыдан 5 жыл бұрын жолдасыма көмектесу мақсатында үйренгенмін. Қазір жолдасыммен шағын шаруа қожалығын жүргізіп отырмыз. Еңбектенсең, еңбегіңнің жемісін көресің.