Министрлік мектеп оқушыларының қысқы демалысын тиімді өткізу мақсатында «Адал азамат» біртұтас тәрбие бағдарламасы аясында бірқатар іс-шараны ұйымдастыруға кеңес беріп отыр:

• кітап оқу;
• музейлерге, көрме залдарына, ғылыми орталықтарға және тарихи ескерткіштерге танымдық экскурсияларға бару;
• спорттық ойындарға қатысу, коньки, шаңғы тебу;
• қайырымдылық акциялары және басқа да іс-шараларға қатысу.

Десе де демалыс кезіндегі балалардың қауіпсіздігі басты назарда болуы тиіс. Осы мақсатта ересектер мен ата-аналар жол-көлік жарақаттарының алдын алуға, мектептің ішкі тәртібін сақтауға, балалардың қоғамдық қауіпсіздігіне, үйдегі өрт қауіпсіздігі және киберқауіпсіздікке көңіл бөлуі тиіс.