Мемлекет басшысы «Орталық Азия – Жапония» диалогының бірінші саммитіне қатысуға келді.
Сосын саммит қатысушылары бірге суретке түсті. Айта кетейік, Президент Жапонияға ресми сапармен 17 желтоқсан барған еді. Қасым-Жомарт Тоқаев Жапония Императоры Нарухитомен және премьер-министр Санаэ Такаичимен кездесу өткізді. Күні кеше Токио губернаторы Юрико Коикэ ерекше ілтипат білдіріп қарсы алды. Қасым-Жомарт Тоқаев күншығыс елінің бірқатар компания басшыларымен де кездесіп, әріптестік аясын кеңейтуді талқылады. Сонымен қатар БҰҰ университетінде дәріс оқып, білім ордасының өңірлік филиалын Алматыда құру бастамасын көтерді. Президенттің Жапонияға сапары барысында құны 3,7 млрд доллардан асатын келісімдерге қол қойылады.
