Қазақстанда COVIDтың жаңа штамы тіркелген жоқ. Бұл туралы Денсаулық сақтау министрлігі мәлімдеді. NB.1.8.1 деп аталатын коронавирустың жаңа нұсқасы жыл басында Қытайда алғаш рет тіркелді. Кейіннен АҚШ-та да жұқпалы аурудың саны артқаны белгілі болған еді.

Жасұлан Алпысбаев, ҚР ДСМ санитарлық-эпидемиологиялық бақылау комитетінің басқарма басшысы:

Омикронның қандай нұсқамасын алсақ та, ол бұрынғыдай пандемия кезіндегідей ауыр өтетіндей деңгейде қауқары жоқ. Біз апта сайын мониторинг жүргізіп отырамыз. Аптасына 20 мен 30 арасында адамдар тіркеледі. Ал жыл басынан бері 262 жағдай тіркелді. Өткен жылмен салыстарғанда 3,5 есеге төмен. Бұл жалпы эпидемиялогиялық жағдайдың тұрақты екендігін көрсетеді. Ал жаңа нұсқасы біздің елімізде соңғы мониторинг бойынша анықталған жоқ.

Ақниет Балтанова