Қазақстанның технологиялық базасы мықты әрі ядролық зерттеулер саласында тәжірибесі мол. Қазір МАГАТЭ-мен алғашқы атом электр станциясының құрылысына байланысты дайындықты пысықтап жатыр. Мұны Венада өткен арнайы семинар барысында агенттіктің бас директоры Рафаэль Гросси мәлім етті.

Рафаэль Гросси, Халықаралық атом энергиясы жөніндегі агенттіктің бас директоры:

- Әр ел ядролық энергетика мәселесін қалай дамытатынын өзі шешеді. Қазақстан референдум өткізді. Қателеспесем, халықтың 70%-і АЭС салуға қолдау білдірді. Қазақстанның бұл салада тәжірибесі мол әрі қуатты технологиялық базаға ие.

Сондай-ақ МАГАТЭ басшысы Қазақстанның уран қоры бойынша көшбасшы екеніне тоқталып, еліміздің ядролық энергетиканы дамытуда тәжірибесі мол екенін атап өтті.

Рафаэль Гросси, Халықаралық атом энергиясы жөніндегі агенттіктің бас директоры:

- Біздің бірлесіп атқаратын жұмысымыз басқа елдерге қарағанда тез болады деп ойлаймын. Қазақстанның ядролық инфрақұрылымына талдау жүргіздік. Қазір алғашқы АЭС құрылысына қатысты дайындықты бастадық. Атом электр станциясы қай өңірде салынатыны анықталып жатыр. Яғни ядролық бағдарламаны іске асыруда Қазақстанның дайындығы қарқынды деп айта аламын.