Мәскеу облысындағы мектепте кісі қолынан қаза тапты делінген оқушының денесі Тәжікстанға жеткізілді, ел халқы баланы ақтық сапарға шығарып салды. Марқұм оқушы әкесінің қасына жерленген.

Мәскеу облысының балалар құқықтары жөніндегі комиссары Ксения Мишонова баланың денесі Мәскеуден Тәжікстанға жеткізілгенін хабарлады.

"Одинцоводағы жантүршігерлік жағдайдан әлі ес жимадық. Бұл жайтты әлі ой елегінен өткізіп, қайта қарап, тағы да ащы болса да қорытынды жасау керек. Бала әкесінің қасына жерленеді. Ол жауынгер секілді көз жұмды, өлімнің көзіне тіке қарады. Жас кісі өлтірушінің сұрағына шынайы жауап беруден қорықпады.

Анамның ағасы осындай қиын кезеңде көңіл айтқан, көмектескен, қатысқан және отбасына қамқорлық жасаған баршаға алғысын жеткізуімді сұрады", — деп жазды Мишонова.

"Осторожно, Новости!" мәліметінше, Одинцоводағы мектепте қаза тапқан 10 жасар бала Тәжікстанда жерленді. Жерлеу рәсімі Шахринавтағы зиратта өтті, жаназа намазын Тәжікстан мүфтиі Саидмукаррам Абдулкодирзода оқыды.

"Баланың туыстары Ресейдегі Тәжікстан елшілігінің мәйітті тасымалдауға және жерлеуге көмектескенін хабарлады. Ресейдің мұсылман аймақтарының өкілдері де жәбірленушінің анасына ақша аударды, қайтыс болған бала оқыған Успенская мектебіндегі балалардың ата-аналары да ақша жинады", — деп жазады автор.

Естеріңізге сала кетейік, 16 желтоқсанда Мәскеу түбіндегі Одинцово қалалық округіне қарасты Успен мектебі аумағында оқушыларға шабуыл жасалғаны туралы ақпарат тарады. Күдікті жасөспірім болып шықты. Алдын ала мәліметтер бойынша, жасөспірім күзетші мен оқушыға пышақ салған. Бала көз жұмған.

Мәтіннен қате тапсаңыз, бізге жазыңыз