"ҚазАвтоЖол" компаниясы ауа райының нашарлауына байланысты Қызылорда және Ақтөбе облыстары аумағындағы республикалық автожолдарда жүк және қоғамдық көліктердің қозғалысына шектеу енгізілетінін мәлім етті, деп хабарлайды KAZ.NUR.KZ.

Компанияның Telegram желісіндегі арнасындағы ақпаратқа сүйенсек, бүгін, 18 желтоқсан сағат 16:00-де ауа райының нашарлауына байланысты келесі республикалық автожолдарда:

• Ақтөбе облысы бойынша Қарабұтақ ауылы – Қызылорда облысы шекарасына дейінгі аралықта (РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы автожолының 965-1240 шақырым аралығы).
• Қызылорда облысы бойынша Ақтөбе облысы шекарасы – Арал қаласына дейінгі аралықта (РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы автожолының 1240-1362 шақырым аралығындағы учаскесі) жүк және қоғамдық көлік түрлерінің қозғалысына шектеу енгізіледі:

Жолды 2025 жылғы 18 желтоқсан сағат 23:00-де ашу жоспарланған.

"ҚазАвтоЖол" өкілдері 1403 байланыс орталығына хабарласып, тәулік бойы қосымша ақпарат алуға болатынын еске салды.

Мәтіннен қате тапсаңыз, бізге жазыңыз