Сенаторлар мұрағат ісі саласындағы заңнаманы жетілдіруге және балаларға зиянды ақпараттың таралуын шектеуге бағытталған заңды қарады, деп хабарлайды KAZ.NUR.KZ.

Сенаттың баспасөз қызметінің хабарлауынша, заңның негізгі ережелері келесідей:

• Мұрағаттарға ұлттық мәртебе беру

Заң арқылы ерекше мемлекеттік және қоғамдық маңызы бар мұрағаттарға "ұлттық"мәртебе беріледі.

• Мұрағаттық құжаттар сақтау және оның құндылығы

Мұрағаттық заңнаманың тұжырымдамалық негізі кеңейтіліп, мұрағаттық құжаттарды қалыптастыру, сақтау және пайдалану мәселелері қамтылады.

Заң сонымен қатар құжаттарды мемлекеттік сақтауға қабылдауды растау тәртібін нақтылайды және құжаттарды мұрағатқа бергенге дейін олардың құнын міндетті түрде ғылыми сараптамадан өткізуді жолға қояды.

• Аудиовизуалды материалдар

Заң мемлекеттік бюджет қаражаты есебінен жасалған және тарихи және мәдени құндылығы бар аудиовизуалды құжаттардың міндетті көшірмелерін мемлекеттік мұрағаттарға тегін беру туралы ережені белгілейді.

• Жеке өмірді қорғау

Азаматтардың жеке өмірі, жеке және отбасылық құпиялары туралы ақпаратты қамтитын мұрағаттық құжаттарды 75 жылға дейін алу мүмкіндігіне шектеу қойылады.

• Балаларды қорғау

Балаларды зиянды ақпараттан қорғау үшін ережелер енгізіледі.

Мәтіннен қате тапсаңыз, бізге жазыңыз