Әзірге күн тәртібінде мұндай мәселе тұрған жоқ.

Десек те, шаһар әкімдігі полиция департаментімен бірге бұл мәселені талқылауға дайын. Бұл туралы Алматы қаласының әкімі Дархан Сатыбалды Орталық коммуникациялар қызметінде өткен брифингте айтты, деп хабарлайды inbusiness.kz сайты.

Тілшілер қоғамға қауіп әкелуі мүмкін отшашуларға тыйым салына ма деп сұрады.

"Жаңа жылда отшашуларға тыйым салу не салмау мәселесін әріптестерімізбен және Полиция департаментімен бірге талқылайтын боламыз. Нормативтерді де қараймыз. Бірақ айтарым, барлық мәселе атмосфералық ауаны қорғау ережелері қабылданғанда реттелетін болады", – деп жауап берді қала басшысы.

Айта кету керек, бұған дейін Дархан Сатыбалды шағын және орта бизнес Алматы экономикасының негізгі драйвері деп айтқанын жазғанбыз.