Мерекелік жиынға қатысушылар мемлекетіміздің әнұранын орындап, тәуелсіздікке бастау болған маңызды тарихи кезеңдерге тоқталып, ата-бабалар рухына құран бағыштады.

Қауымдастықтың құрылу тарихы қасіретті кезеңдермен байланысты. Ұжымдастыру мен кәмпеске жылдарында көптеген қазақ отбасы қуғын-сүргін мен аштықтан қашып, туған жерін тастауға мәжбүр болған еді. Алтай өңірінен Түркияға көшіп, кейін экономикалық дағдарыс кезінде Лондонға жұмыс іздеп, қоныс аударған қазақтар. Бүгінде немере-шөберелі болып, Ұлыбританияда өмір сүріп жатыр.

Әбдісәлім Саваш, Ұлыбританиядағы қазақ диаспорасының төрағасы:

- Қазақстан тәуелсіздік алғаннан кейін басымызды көтеріп жүрміз. Қазақтың туын көрсек, қазақтың сөзін естісек, рухымыз көтеріледі. Өзіміз де қазақтың тарихын үйреніп жүрміз қазір. Енді балаларға үйретіп жүрміз.