Батыс Қазақстан облысында қолайсыз ауа райы салдарынан тағы бір ер адамның қайтыс болғаны белгілі болды. Бұған дейін жоғалып кеткен Жәнібек ауданының тұрғыны өлі табылған, деп жазады БҚО ПД баспасөз қызметіне сілтеме жасаған KAZ.NUR.KZ.

Ведомство баспасөз қызметі өкілдерінің мәліметіне сай, Жәнібек ауданының 1966 жылы туған тұрғыны үсіп қалған.

Бұған дейін "Мой город" басылымы Батыс Қазақстан облысында ауа райының қолайсыздығынан үш адам үсіп, көз жұмғанын жазған едік.

БҚО полиция департаментінің баспасөз қызметі 15 желтоқсанда ауа райының қолайсыздығынан жоғалып кеткен үш адамның денесі табылғанын хабарлаған. Олар: Жәнібек ауданының 57 жастағы тұрғыны, Бөкейорда ауданының 25 жастағы тұрғыны және Казталов ауданының 35 жастағы тұрғыны.

Ақжайық ауданының тағы бір 54 жастағы тұрғыны аман-есен табылды, бірақ аяқ-қолдары үсіп қалған. Ол Оралға жеткізіледі.

Сонымен бірге Жәнібек ауданының 59 жастағы тұрғыны жоғалғанын да жазған едік. Ол 13 желтоқсанда сағат 21:00 шамасында Бұқар қыстағынан шығып кеткен.

Оны құтқарушылар, әскери қызметкерлер, полиция қызметкерлері және жергілікті әкімдік қызметкерлері іздеуге атсалысқан.

Мәтіннен қате тапсаңыз, бізге жазыңыз