Баянауылда қыста жылы жаққа ұшпай, қалып қойған екі аққу құтқарылды. Мұзда қалған құстарды Бауыржан Жақыпов есімді желі қолданушысы мен әкесі аман алып қалды. Жас жігіт пен әкесінің әрекеті жел қолданушыларының жүрегін елжіретті, деп хабарлайды KAZ.NUR.KZ.

Жергілікті тұрғын Бауыржан Жақыпов оқиғаны Instagram желісіндегі парақшасында бөлісіп, сол жерден видео жариялады.

Видеодан қатты аяз салдарынан аналық аққудың аяғы мұзға жабысып, қозғала алмай қалғанын көруге болады. Ал оның сыңары өз өмірін қатерге тігіп, жылы жаққа ұшып кетпей, қасында қалған.

Бұл көріністі ауыл тұрғыны мен оның әкесі байқап қалған. Алдымен олар мұзда жалғыз жүрген аталық аққуды ғана көрген. Аққуды қыстатуға әкетіп бара жатқанда олар жағалау маңынан тағы бір аққуды байқаған.

Қамқор адамдардың арқасында аққулар жұбы аман қалды.

Посмотреть эту публикацию в Instagram

Публикация от Бауыржан Жакупов (@jakupov_baurjan)

Мәтіннен қате тапсаңыз, бізге жазыңыз