Үшінші мегаполисте Шымкент қалалық орта сапасы және бақылау басқармасының қызметкерлері кезекті тексеруді Еңбекші ауданы, Маятас елді мекенінде рейд жүргізіп, «Рахат-Бадам» ЖШС-нің демалыс аймағында қора және киіз үйдің заңсыз салынғанын анықтады, деп жазады Egemen.kz.
Соның нәтижесінде тапсырыс беруші тарапынан құрылысты жүргізу барысында заң талаптары сақталмаған деген қорытынды шығарып, заңды тұлғаға 455 АЕК көлемінде айыппұл салды. Сонымен бірге демалыс аймағының жұмысын тоқтату туралы нұсқама берді.
Бұл орайда қалалық орта сапасы және бақылау басқармасының мамандары құрылыс-монтаждау жұмысын бастамай тұрып заң және құрылыс нормаларының талаптарын қатаң сақтау қажеттігін, өйтпеген жағдайда нысан иесіне айыппұл салынып, заңсыз құрылыс бұзылуы мүмкіндігін ескертеді.
ШЫМКЕНТ
