Қазақстан құрылысшылар одағы бұрынғы уақыт белдеуін қайтаруды сұрап, петиция жариялады, деп хабарлайды KAZ.NUR.KZ. Олар бірыңғай уақыт белдеуін енгізудің кері әсерін атап өткен.

Қазақстан құрылысшылар одағы петиция жариялағанын Threads желісінде жазды.

"Біз бұрынғы уақытты қайтаруды талап етеміз", — делінген жазбада Сауда және интеграция министрлігіне жолданған петицияға сілтеме жасалып.

Қазақстандық құрылысшылар уақыт белдеуін өзгерту туралы шешімді "кеңседе отырған адамдар" қабылдаған деп санайды. Петиция авторлары бірыңғай уақыт белдеуі туралы шешімнің қолмен жұмыс істейтіндер үшін бірнеше кері әсерін атап өтті:

• құрылыс-монтаж жұмыстарын тексеру сапасы төмендеп барады;
• инженерлік және қасбет жұмыстарының сапасы төмендеуде;
• материалдарды қабылдау сапасы күрделене түсуде;
• энергия тұтыну айтарлықтай артты;
• жұмысшының биологиялық ырғағы бұзылып, жұмысты мерзімінен бұрын аяқтауына әкеліп соғады, бұл тиімділікті төмендетеді;
• құрылыс-монтаж қызметтерінің өнімділігі төмендеп барады, бұл жалпы аймақтық өнімге әсер етеді.

Петиция 11 желтоқсанда жарияланды және қажетті 50 қолды жинап үлгерді.

Еске сала кетейік, 2024 жылдың 29 ақпанынан 1 наурызына қараған түні Қазақстан бірыңғай UTC +5 уақыт белдеуіне ресми түрде ауысты. Еліміздің бірнеше өңірінде уақыт бір сағатқа артқа жылжыды.

Мәтіннен қате тапсаңыз, бізге жазыңыз