Алматылық "Қайрат" қақпашысы Темірлан Анарбеков Чемпиондар лигасының үздік ойыншыларының рейтингінде Мбаппені басып озып, көш бастады, деп хабарлайды KAZ.NUR.KZ Sports.kz сайтына сілтеме жасап.

Басылымның мәліметінше, Чемпиондар лигасының алтыншы турынан кейін SofaScore статистикалық порталы ойыншылардың жаңа рейтингін жариялады. Қазақстандық қақпашы қазіргі уақытта бірінші орында тұр.

Рейтингте Темірлан Анарбеков 8,90 ұпаймен көш бастап тұр. Екінші орында ПСЖ шабуылшысы Дезери Дуэ 8,50 ұпаймен, ал үшінші орынға "Реал Мадрид" шабуылшысы Килиан Мбаппе 8,33 ұпаймен жайғасқан.

Турнирдің жалпы кезеңінде Анарбеков төрт кездесу өткізгені көрсетілген, қалған екі ойында қақпада Шерхан Қалмырза тұрған еді.

Сондай-ақ Темірлан Анарбеков "Қайрат" пен "Олимпиакос" командалары арасындағы матчта да үздік ойыншы атанды.

Ойын 9 желтоқсанда "Астана Аренада" өткен еді және қонақтар 1:0 есебімен жеңіске жетті. Анарбеков "Қайрат" капитаны ретінде алаңға шыққан.

Мәтіннен қате тапсаңыз, бізге жазыңыз