Ош облысының Өзген ауданында 40 жастағы ер адам әйелін өлтірді деген күдікпен ұсталды, деп хабарлайды El.kz интернет порталы.

Бұл туралы Ош облыстық ішкі істер басқармасы хабарлады.

Құқық қорғау органдарының мәліметінше, қылмыс қызғаныш себептерінен орын алған. Олардың айтуынша, күдікті әйелін мектептегі сыныптастар кездесуіне барғаннан кейін бұрынғы сыныптасынан қызғанып, соққыға жыққан және оқ атқан.

A. B. әйелін ұрып-соғып, кейін оған оқ атқан, – деп нақтылады ішкі істер басқармасында.

Ош облысының Өзген аудандық ішкі істер бөліміне 26 мамыр күні Кара-Кульджин ауданында тұратын 1987 жылы туған А. Э. есімді әйелдің жарақат алып, ауруханаға бара жатқан жолда қаза тапқаны туралы хабарлама түскен.

Оқи отырыңыз:

• Некеге тұруға мәжбүрлегені үшін қылмыстық жауапкершілік енгізіледі
• «Сабақ кезінде буындырған»: Қазығұртта 6-сынып оқушысы қайтыс болды

Аталған оқиға бойынша «Адам өлтіру» бабы бойынша қылмыстық іс қозғалып, қажетті сараптамалар тағайындалды.

Қазіргі уақытта 40 жастағы А. Б. ұсталып, уақытша ұстау изоляторына қамалды.