Бұл туралы ҚТЖ-ның ресми парақшасы жария етті.

Бұған дейін ұйым қажетті сақтық шаралары қабылданса да, қайғылы жағдайдың алдын алу мүмкін болмағанын жазды, деп хабарлайды inbusiness.kz сайты.

– "ҚТЖ" ҰК" АҚ 2025 жылғы 10 желтоқсанда сағат 17:15-те "Мойынты – Шығанақ" учаскесінің "Шешенқара-Қаражанғыл" аралығындағы рельсті ауыстыру бойынша жоспарлы жұмыстарды орындаған Сарышаған станциясының жол бригадасымен болған жазатайым оқиғаның себептерін тергеу бойынша барлық шараны қабылдап отыр. ҚТЖ зардап шеккендердің отбасыларына барлық қажетті көмекті көрсетеді. Жедел шешімді талап ететін барлық мәселелер ерекше бақылауға алынды, – делінген ресми парақшада.

Оқиғаның мән-жайлары мен себептерін анықтау үшін "ҚТЖ – Жүк тасымалы" ЖШС және Магистральдық желі дирекциясы басшыларының қатысуымен компанияның бас инженерінің басшылығымен арнайы комиссия да құрылған. Сонымен қатар, оқиға орнында уәкілетті мемлекеттік органдар өкілдері жұмыс істеуде.

Бұған дейін Мойынты – Шығанақ учаскесінде болған ірі теміржол апатынан 4 жұмысшы көз жұмғанын жазған едік.