Сот шешімі заңды күшіне енді.

Балқаш көлі жағалауында орналасқан пайдаланылмаған 0,5 гектар жер учаскесі мемлекет меншігіне мәжбүрлі түрде қайтарылды, деп хабарлады Ауыл шаруашылығы министрлігі.

Қарағанды облысы бойынша жер ресурстарын басқару департаменті игерілмей қалған жерлерді анықтап, оларды туристік нысандар салу үшін мемлекетке қайтару жұмыстарын жалғастырып келеді.

"Тексеру кезінде Торанғалық ауылындағы демалыс аймағын абаттандыру және туристік қызмет көрсету үшін берілген, бірақ ұзақ жылдар бойы пайдаланылмаған жер телімі анықталған. Кәсіпкерге учаскені игеру туралы нұсқама берілгенімен, талаптар орындалмаған. Соның нәтижесінде департамент кәсіпкерге айыппұл салып, жерді мәжбүрлі түрде қайтару жөнінде сотқа жүгінді. Мамандандырылған ауданаралық экономикалық сот талапты толық қанағаттандырып, жер телімін мемлекет меншігіне қайтару және оны алдағы уақытта аукционға шығару туралы шешім қабылдады", – делінген хабарламада.

Оқи отырыңыз: Қар, боран, көктайғақ: 11 желтоқсанда Қазақстанда ауа райы қандай болады

Сот шешімі заңды күшіне енді.