Дубайда халықаралық бокс ассоциациясы (IBA) аясында өтіп жатқан әлем чемпионатында ел намысын қорғап жатқан үш боксшы қарсыластарын жеңіп, жартылай финалға шықты. Қазақстандық спортшылар кемінде бір жүлдеге ие болу мүмкіндігіне қол жеткізді, деп хабарлайды KAZ.NUR.KZ.

Әлем чемпионатының жартылай финалына Сәкен Бибосынов (54 келі), Теміртас Жүсіпов (48 келі) пен Сабыржан Аққалықов (75 келі) жолдама алды.

Сәкен Бибосынов бұл жолы замбиялық Муенго Муалемен жұдырықтасып, төрешілер шешімімен 5:0 есебімен жеңіске жетті.

Теміртас Жүсіпов ширек финалда непалдық Лал Прасад Упретиді 0:5 есебімен жеңіп, жартылай финалға өтті.

Сабыржан Аққалықов шаршы алаңға израильдік Мирослав Капулер-Ищченкомен шықты. Отандасымыз оны нокдаун мен нокаутқа жіберіп, сенімді түрде жеңіске жетті.

Мәтіннен қате тапсаңыз, бізге жазыңыз