Департамент мамандары Атырау мұнай өңдеу зауытына тексеру жүргізді. Өйткені зауыт басшылары уәкілетті органға апаттық ахуалды мерзімінде хабарламаған.

«2025 жылғы 9 қаңтарда сағат 18:00-де зауыттағы №33 цистернаның аумағында тауарлық бензин компоненттерін айдау желісінде ақау анықталған. Тексеру кезінде жерасты құбыры арқылы мұнай өнімі (бензин) төгіліп, жердің ластанғаны анықталды. Алайда, серіктестік қоршаған ортаны қорғау саласындағы уәкілетті органға авариялық жағдайды заңнамада көзделген мерзімде хабарламады. Осығай орай «АМӨЗ» ЖШС-ға жерді бүлдіру фактісі және авариялық жағдайды заңнамада көзделген мерзімде хабарламағаны үшін Әкімшілік құқық бұзушылық туралы кодекске сәйкес 4 325 200 теңге көлемінде әкімшілік айыппұл салынды. Айыппұл мемлекет пайдасына өндірілді», деп мәлім етті департаменттің баспасөз қызметі.