Елде өнеркәсіп саласында индустриялық инвестициялық жобалар есебінен 30 мыңнан астам жұмыс орны құрылады.

Бүгінде 10,2 трлн теңгеге жуық қаражатқа 20 мыңнан астам жұмыс күшін қажет ететін ірі индустриялық жобалар қолға алынды. Қазір Жамбыл, Түркістан, Батыс Қазақстан, Қарағанды және Қостанай облыстарында ірі кәсіпорындар жұмыс істеп тұр. Сондай-ақ шетелдік инвестордлардың қатысуымен 5,7 триллион теңгеге 20 жоба жүзеге асырылады. Нәтижесінде, 11 мыңнан астам жаңа жұмыс орны ашылады.

Сондай-ақ түсті және қара металлургия, химия өнеркәсібі бойынша 15 және 9 көпжақты жоба жүзеге асырылып жатыр. Тартылған қаражат көлемі 2,4 миллиард доллар шамасында.

Олжас Сапарбеков, ҚР Өнеркәсіп және құрылыс вице-министрі:

- Негізгі мақсат — құнды өнеркәсіпті дамыту, тұрақты жұмыс орындарын құру және экспорттық әлеуетті қамтамасыз ететін өндірістерді құру. Индустриялық бастамаларға инфрақұрылыммен қамтамасыз ету арқылы түрлі қаржыландыру арқылы қолдау көрсетілуде. Мәселен, 2022 жылдан бері Бәйтерек холдингі арқылы тартылған қаражаттарды қоса есептегенде 700 млрд теңгеден астам қаржыға 116 жоба жүзеге асырылды.